|
MELK-EN-GEMMERPOEDING
(Lewer 12-16 porsies)
Bestanddele:
500 ml (2 k) volroommelk
40 g sago
30 ml (2 E) strooisuiker
15 ml (1 E) botter
5 ml (1 t) fyn gemmer
125 ml (½ k) ontpitte rosyntjies
30 ml (2 E) fyngerasperde gemengde sitrusskil
Metode:
1. Voorverhit die oond tot 160 °C en smeer ’n oondvaste bak.
2. Giet die melk in ’n swaarboomkastrol en verhit tot warm. Voeg die sago by en verlaag die hitte. Roer gereeld en laat die mengsel kook tot dit begin verdik. Verwyder van die hitte.
3. Meng die suiker, botter en gemmer saam. Voeg dit by die sagomengsel en meng dit goed deur.
4. Skep die poeding in die voorbereide oondbak en bak vir 30 minute.
5. Meng die rosyntjies en gerasperde sitrusskil in ’n bakkie. Bedien die poeding warm saam met die rosyntjiemengsel. |
